खाना पकाउने ग्यासको कालो व्यापार

नेपाली बजारमा झन्डै मागकै हाराहारीमा ग्यास आयात भइरहे पनि बजारमा ग्यासको अभाव कायमै देखिएपछि सरकारले व्यापारीमाथि निगरानी बढाउन बजार अनुगमन थालेको हो। पट्रोल, मट्टितेल सहजै पाउन थालिएपनि ग्यास र डिजल भने अझै पनि सहज हुन सकेको छैन । निगमले माग अनुसार आपूर्ति बढाएको जनाउँदै आएपनि बजारमा समस्या उस्तै छ । अधिकांश पेट्रोलपम्पमा अझै पनि डिजल छैन को बोर्ड झुण्ड्याइएकै छन् । ग्यासका लागि उपभोक्ता डिलरकहाँ धाएका धाएकै छन् ।

कृत्रिमरुपमा ग्यासको अभाव देखाउँदै कालोबजारी गर्ने व्यापारी तथा उद्योगीलाई कारबाही प्रक्रिया थाल्न र आम उपभोक्ताका लागि ग्यास आपूर्ति सहज बनाएर अहिले देखिएको अभावलाई सम्बोधन गर्न बजार अनुगमन कार्यलाई अगाडि बढाइएको मन्त्री भट्टले बताए।

स्रोत: टेलिभिजन न्युज/source: Television news